ہالی وڈ سپراسٹار الیک بلڈون نئی مشکل میں پھنس گئے ہیں۔ 21اکتوبر کو میکسیکو سٹی میں اُ س وقت سنسنی خیزی پھیل گئی۔ جب فلم ’رسٹ‘ کی عکس بندی کے دوران الیک بلڈون کی پستول سے ایسی گولی چلی کہ سنیماٹوگرافر ہیلنا موقع پر ہی دم توڑ گئیں جبکہ ایک پروڈیوسر کو زخمی حالت میں اسپتال لایا گیا۔ ابتدا میں اسے حادثاتی موت ہی تصور کیا جارہا تھا۔ جس پر الیک بلڈون نے معذرت بھی کی لیکن اب کہانی میں نیا ڈرامائی موڑ آیا ہے۔
فلم ’رسٹ‘ کے اسکرپٹ سپروائزر میمی مچل نے اب باقاعدہ پریس کانفرنس کرکے یہ انکشاف کیا کہ فلم کے اسکرپٹ کے مطابق اس منظر میں تو پ پستول چلانے کا کوئی عمل ہی نہیں تھا۔ میمی مچل نے الزام عائد کیا ہے کہ الیک بلڈون نے جان بوجھ کر گولی چلائی اور اسی سلسلے میں انہوں نے ہالی وڈ اداکار کے خلاف مقدمہ بھی درج کرادیا ہے۔میمی مچل کا دعویٰ ہے کہ سنیماٹوگرافر ہیلنا حادثاتی موت نہیں بلکہ انہیں جان بوجھ کر مارا گیا ہے۔ ان کے اس انکشاف کے بعد الیک بلڈون تفتیش کے نرغے میں آگئے ہیں۔ کہا جارہا ہے کہ کہیں کوئی ہیلنا پر یوں گولی چلانے کی وجہ کوئی ذاتی رنجش یا انتقام تو نہیں۔
اسی بارے میں مزید پڑھنے کے لیے کلک کریں :
Discussion about this post