کوئی 10سال بعد عاطف اسلم اور رئیس گرل ماہرہ خان کسی پروڈکشن میں یکجاں ہوئے ہیں۔ دونوں نے آخری بار ہدایتکار شعیب منصور کی فلم ’بول‘ میں اداکاری کے جوہر دکھائے تھے اور جب سے یہ اعلان ہوا تھا کہ عاطف اسلم کے اگلے ویڈیو گیت میں ماہرہ خان ہوں گی تو چاہنے والے ایک ایک دن گن کر بے چینی سے انتظار کررہے تھے۔ ہفتے کو بین الاقوامی شہرت یافتہ گلوکار عاطف اسلم کا یہ گیت ’اجنبی‘ جاری کردیا گیا، جس میں ایک بار پھر ماہرہ خان قیامت ڈھا رہی ہیں۔ گیت کے بول خود عاطف اسلم نے لکھے ہیں جبکہ کمپوزیشن بھی اُنہی کی ہے۔ا س مدھر او ر رسیلے گانے کی موسیقی احسن پرویز مہدی نے ترتیب دی ہے جبکہ عاصم رضا اس کے ڈائریکٹر ہیں۔
گانے میں ایک اجنبی دوشیزہ کی بار بار ملاقات کو انتہائی خوبصورتی سے عکس بند کیا گیا ہے، جو گلوکار عاطف اسلم کے اندر یہ تجسس بڑھاتی ہے کہ یہ لڑکی آخر کون ہے۔یو ٹیوب پر ویڈیو اپ لوڈ ہوتے ہی چند گھنٹوں میں 5لاکھ سے زائد یوزر اس کا نظارہ کرچکے ہیں۔
عاطف اسلم کا یہ گیت اس لیے اہمیت رکھتا ہے کیونکہ حال ہی میں علی ظفر نے بھی نیا گیت پیش کیا تھا، جس کے بول پشتو زبان پر مبنی تھے۔ اب دونوں گلوکاروں کے درمیان یہ مقابلہ ہے کہ کون اور زیادہ شہرت اور مقبولیت پاتا ہے۔
اسی بارے میں مزید پڑھیں :
