وزیراعظم عمران خان کا جشن عیدمیلاد النبی ﷺ کے حوالے سے پیغام

وزیراعظم عمران خان نے ویڈیو پیغام میں کہا کہ یہ وہ مہینہ ہے جب نبی کریم ﷺ اس دنیا میں تشریف لائے۔ درحقیقت یہ برکتوں کا مہینہ ہے۔ یہ وہ مہینہ جب اللہ تعالیٰ نے اپنے حبیب کو اس دنیا میں بھیجا تھا۔ اللہ تعالیٰ نے حضور پاک کو جو خطاب دیا تھا، وہ رحمت اللعالمین یعنی سب انسانوں کو اکٹھا کرنے والے۔ جو دنیا کی تاریخ کے سب سے بڑے لیڈر تھے۔ لیڈر کی جو سب سے بڑی خاصیت یہ ہے کہ وہ انسانوں کا اکٹھا کرتا ہے، نفرتیں نہیں پھیلاتا۔ وزیراعظم عمران خان کے مطابق 12ربیع الاول کا جشن ایسا منایا جائے گا، جو پاکستان کی تاریخ میں کسی نے کبھی بھی نہیں منایا ہوگا۔ اس خوشی کے موقع پرسب اس میں شرکت کریں اور دنیا دیکھے گی کہ اس سے پہلے 12ربیع الاول کا جشن پہلے کبھی نہیں منایا گیا ہوگا۔