بھارتی سابق آل راؤنڈر یوہراج سنگھ 3گھنٹے تک ہریانہ کے پولیس اسٹیشن میں زیر حراست رہے ۔ یوہراج پر الزام تھا کہ انہوں نے گزشتہ برس سوشل میڈیا پر ساتھی لیگ اسپنر یوجویندر چہل کو ’بھنگی‘ کہہ کر مخاطب کیا ۔ جس پر سماجی کارکنوں اور مختلف تنظیموں کی جانب سے یوہراج سنگھ کے خلاف متصبانہ فقرہ کسنے پر پولیس میں شکایت درج کرائی گئی۔ جس کے جواب میں اب جا کر یوہراج سنگھ کو حراست میں لیا گیا۔ ہریانہ پولیس اسٹیشن کے اہلکاروں نے اُن سے پوچھ گچھ کی۔۔ 3گھنٹے کی اس تفتیش کے دوران یوہراج سنگھ کا کہنا تھا کہ انہوں نے اپنے کہے ہوئے الفاظ پر اُسی وقت معذرت بھی کرلی تھی، ان کا مقصد کسی طور پر کسی کی دل آزاری نہیں کرنا تھا۔ جس پر پولیس نے انہیں عبوری ضمانت پر رہا کردیا۔
Discussion about this post