خبروں میں رہنے کا فن جاننے والے عامر لیاقت حسین اب رمضان ٹرانسمیشن میں نئی اننگ کھیلیں گے لیکن اس بار ان کی پارٹنر شریک سفر دانیہ شاہ بنیں گی۔ خبریں گرم ہیں کہ شعلہ بیان میزبان اور رکن قومی اسمبلی عامر لیاقت حسین نئی نویلی دلہن کے ساتھ پھر سے یہ کوشش کرنے جارہے ہیں، عامر لیاقت حسین تو پہلے ہی اس بات کا اشارہ دے چکے تھے کہ وہ تیسری بیوی دانیہ شاہ کو شوبزنس کی دنیا میں انٹری دینے کا ارادہ کرچکے ہیں لگتا ہے کہ اب ان کی یہ خواہش پوری ہونے جارہی ہے۔
دلچسپ بات یہ ہے کہ عامر لیاقت کی دوسری بیوی طوبیٰ انور بھی اُن کے ساتھ رمضان ٹرانسمیشن میں شراکت دار رہ چکی ہیں۔ عامر لیاقت حسین اور دانیہ شاہ نے 10 فروری کو سادگی کے ساتھ نکاح کیا تھا۔ جس کے بعد دونوں کئی ٹی وی شوزمیں مہمان بن کر جلوہ گر ہوچکے ہیں، اب اس رمضان میں یہ جوڑا خود میزبان بنے گا اور بلائے گا مہمان، عامر لیاقت اور دانیہ شاہ کس ٹی وی چینل پر اپنی صلاحتیں دکھائیں گے فی الحال اس بارے میں کچھ نہیں بتایا گیا۔
Discussion about this post