ممبئی میں شاہ رخ خان کے عظیم الشان بنگلے ” منت” کی تختی کوئی چوری کرکے لے گیا ہے یا پھر خود شاہ رخ خان نے اسے ہٹا دیا ہے۔ اسی بارے میں بھارت میں قیاس آرائیاں کی جارہی ہیں۔ ممبئی کے مہنگے ترین علاقے باندرہ میں شاہ رخ خان کا یہ بنگلہ ہے۔ جو ملکی اور غیر ملکی سیاحوں اور پرستاروں کی دلچسپی کا باعث بنتا ہے۔ کہا جاتا ہے کہ ” منت ” کی یہ تختی 25 لاکھ روپے مالیت کی ہے۔ جو گھر کے صدر دروازے پر نصب ہے۔ جسے قیمتی پتھروں سے بنایا گیا ہے، جس میں دلکش اور حسین نقش و نگاری کی گئی تھی۔
قیاس آرائیاں تو یہ بھی ہے کہ شاہ رخ خان نے از خود ” منت ” کی یہ تختی ہٹائی ہے۔ اس کی ایک وجہ یہ بھی بتائی جارہی ہے کہ ہوسکتا ہے کہ وہ اس کی جگہ نئی تختی لگانے کی جستجو میں ہوں جبکہ کچھ کا یہ بھی خیال ہے کہ کنگ خان نے ” پرائیوسی” کے تحت یہ قدم اٹھایا ہے۔
Discussion about this post