پاکستانی اور بالی وڈ ستارے ایک ساتھ، دلوں کو دھڑکائیں گے، رقص اور گلوکاری کی محفل ایسی ہوگی، جسے دیکھنے کے لیے متحدہ عرب امارات ہی نہیں دنیا بھر سے پرستار دبئی پہنچیں گے کیونکہ 28اکتوبر کو ستاروں کی جھرمٹ زمین پر اترنے کو تیار ہوگی۔ دبئی میں سالانہ فلم فئیرمڈل ایسٹ اچیورز نائٹ کا رنگار نگ میلہ سجے گا۔ جس میں بالی وڈ ہی نہیں پاکستان کے علاوہ خلیجی ریاستوں کے فنکار بھی اپنے فن کا مظاہرہ کریں گے۔
گلف نیوز کے مطابق پاکستان کی جانب سے ماہرہ خان اور مایا علی شرکت کریں گے۔ جبکہ ہمایوں سعید اور جاوید شیخ اور شہریار منور بھی اس پررونق محفل کو اور حسین بنائیں گے۔ جبکہ بھارت کی جانب سے نواز الدین صدیقی، نورافتح، سنی لیون، گلوکار ادت نرائن، ڈریس ڈیزائنر منیش ملہوترہ، کامیڈین سنیل گروور، شفالی شاہ، تلسی کمار، زرین خان اروشی راؤ اور شروتی حسن بھی اس تقریب کی مہمان ہوں گی۔ جبکہ شعیب ملک کی اہلیہ اور ٹینس اسٹار ثانیہ مرزا کو بھی اس تقریب میں مدعو کیا گیا ہے۔ اس تقریب میں مختلف فنکاروں کو ان کی سال بھر کی شاندار پرفارمنس پر ایوارڈز سے نوازا جائے گااور دبئی میں رہنے والے بے قراری سے 28اکتوبر کا انتظار کررہے ہیں، جب ستاروں کایہ میلہ ان کے یہاں منعقد ہوگا۔
Discussion about this post