برطانوی میڈیا کے مطابق دنیا کے امیر ترین شخص اور مائیکرو سوفٹ کے بانی بل گیٹس کی بیٹی جینفر نے شمالی نیویارک میں اسلامی رسم و رواج کے مطابق مصری منگیترنیائل نصر سے شادی کرلی ہے۔ شادی کی یہ تقریب ہفتے کو ہوئی، جس میں انتہائی قریبی رشتے دار وں اور دوستوں نے شرکت کی۔
اس موقع پر دلہن جینفر نے روایتی سفید رنگ کا عروسی لباس زیب تن کیا ہوا تھا۔ جبکہ یہ تقریب اُن کے 142ایکٹر پر پھیلے ہوئے وسیع و عریض سبزہ زار پر ہوئی، جسے خوبصورت انداز میں سجایا گیا۔ دلچسپ بات یہ ہے کہ بیٹی کی شادی میں بل گیٹس کی سابق شریک سفر میلنڈا نے خصوصی طور پر شرکت کی اور دونوں خوشی کے ان لمحات میں بیٹی کے ساتھ ساتھ رہے۔
تقریب کے بعد جینفر اور نائیل نصر نے باقاعدہ فوٹو شوٹ بھی کرایا۔جبکہ ذرائع ابلاغ کو اس تقریب سے ہر ممکن طور پر دور رکھا گیا۔ نائیل مصری گھڑ سوار ہیں۔ جن کی 2017میں جینفر سے پہلی ملاقات ہی پیار میں بدل گئی، جس کے بعد یہ ہر ایک مقام پر ساتھ ساتھ نظر آتے۔ سال بھر پہلے جینفر اور نائیل کی باقاعدہ منگنی بھی ہوئی۔
Discussion about this post