کراچی میں موسم گرما کا آغاز

شہرقائد میں جاڑا ہوا رخصت موسم گرما نے دی دستک، کراچی کے باسی ہوجائیں تیار کیونکہ سورج بھی آگ برسانے کو ہے تیار۔ کراچی شہر میں موسم گرما کے آثار دکھنے لگے، محکمہ موسمیات کا کہنا ہے کہ شہرقائد میں گرمی کی شدت میں اضافہ ہوا ہے، شہر میں آج زیادہ سے زیادہ درجہ حرارت 35 ڈگری تک جانے کا امکان ہے۔ میٹرولوجسٹ سردار سرفراز کا کہنا ہے کہ شہر میں دن کے اوقات سمندری ہوائیں معطل رہنے کی وجہ سے گرمی کی شدت بڑھنے کا امکان ہے جبکہ شمال مغرب سے ہوائیں چلنے کے باعث کراچی کا موسم گرم اور خشک رہے گا۔