وکٹ کیپر بلےباز ذوالقرنین حیدر خطرناک بیماری میں مبتلا

قومی کرکٹ ٹیم کے وکٹ کیپر ذوالقرنین حیدر معدے کی خطرناک بیماری میں مبتلا ہوگئے، چلنے پھرنے میں بھی دشواری کا سامنا ہے۔ وکٹ کیپر بیٹر نے بیماری کے علاج کے لیے آپریشن بھی کروایا مگر بہتری نہیں آسکی تاہم مالی مشکلات کے باعث ذوالقرنین حیدر مالی تعاون کے لیے پی سی بی کے منتظر ہے۔ قومی کھلاڑی کی بیٹی اور اہلیہ نے بورڈ سے مطالبہ کیا ہے کہ پی سی بی ذوالقرنین حیدر کو ایک کھیل سے وابستہ کوئی بھی مستقل جاب دی جائے، انہیں مستقبل میں سہارے کی ضرورت ہے۔

میڈیا رپورٹس کے مطابق وکٹ کیپر بلےباز ذوالقرنین حیدر کا کہنا ہے کہ عمان میں لیگ کے دوران باسی کھانے کے باعث وہ معدے کی تکلیف میں مبتلا ہوئے، جس سے انہیں زخم ہوگئے اور کیمیکل پھیل گیا۔ خیال رہے کہ ذوالقرنین حیدر نے پاکستان کے لیے ایک ٹیسٹ 4 ون ڈے اور تین ٹی 20 میچز کھیل چکے ہیں۔ نومبر 2010 میں وہ متحدہ عرب امارات میں پاکستان کرکٹ ٹیم کو چھوڑ کرانگلینڈ چلے گئے تھے جس کے بعد ان کاکیرئیر تنازعات کا شکار ہوگیا تھا۔