ناگن فیم تجسوی پرکاش بگ باس 15 کی فاتح قرار

کئی مہینوں سے بھارتی ٹیلی ویژن ” کلر” پر نشر ہونے والے رائیلٹی شو ” بگ باس 15 ” کے گرینڈ فینالے میں تجسوی پرکاش نے سب کو مات دے دی۔ وہ اس مقابلے کی فاتح ٹھہریں۔ جنہیں 40 لاکھ روپے کی انعامی رقم اور ٹرافی سے نوازا گیا۔ فرسٹ رنز اپ کے لیے پرتھک سیجپال کا نام پکارا گیا۔ سلمان خان کے اس شو کی فاتح تجسوی پرکاش کئی ٹی وی ڈراموں میں کام کرتی ہیں۔ ان دنوں ان کا ” ناگن ” کا چھٹا سیزن نشر ہورہا ہے۔ بگ باس کی 28 سال کی تجسوی پرکاش کی کامیابی غیر متوقع ہے کیونکہ ایک عام خیال یہ تھا کہ پرتھک سیجپال ہی مقابلہ جیتں گےلیکن تجسوی نے اپنی مقبولیت اور رائے شماری کی وجہ سے سب کو پیچھے چھوڑ دیا۔ وہ اداکاری ہی نہیں مختلف ویڈیو گیت میں بھی ماڈلنگ کرتے ہوئے نظر آتی ہیں۔

اس کامیابی پر ان کا کہنا تھا کہ انہوں نے گزشتہ کئی مہینوں سے صبر و تحمل کا مظاہرہ کرتے ہوئے ناظرین کے دل جیتے۔ جس نے انہیں یہ مقابلہ جتوایا۔