لیفٹیننٹ جنرل ندیم انجم ڈی جی آئی ایس آئی تعینات

  پاک فوج کے شعبہ تعلقات عامہ آئی ایس پی آر کے مطابق لیفٹیننٹ جنرل ندیم احمد انجم کو  نئے ڈی جی آئی ایس آئی تعینات کردیا گیا ہے ۔  لیفٹننٹ جنرل ندیم احمد انجم نے پنجاب رجمنٹ کی لائٹ اینٹی ٹینک بٹالین میں کمیشنڈ حاصل کیا ہے ۔ لیفٹننٹ جنرل ندیم  احمد انجم کمانڈ اسٹاف کے ساتھ انسٹرکشنل اسائمنٹس کا تجربہ رکھتے ہیں۔وہ کمبائنڈ آرمز سینیٹر یوکے سے گریجویٹ یافتہ  ہیں  ۔ جبکہ اسٹاف کالج کوئٹہ کے بھی گریجویٹ ہیں۔ وہ برطانیہ کے ایڈوانس اسٹاف کورس کے بھی گریجویٹ ہیں۔ آئی ایس پی  آر کے مطابق لیفٹننٹ جنرل محمد سعید کو کراچی کا کور کمانڈر تعینات کیا گیا ہے ۔ دوسری جانب  لیفٹیننٹ جنرل فیض حمیدکو کور کمانڈر پشاور تعینات کردیا گیا ہے۔ لیفٹیننٹ جنرل عاصم منیر کو کوارٹر ماسٹر جنرل تعینات کیا گیا ہے۔ لیفٹیننٹ جنرل محمد عامرکی کورکمانڈر گوجرانوالہ کی تعیناتی ہوئی ہے۔ آئی ایس پی آر کے مطابق پاک فوج میں یہ معمول کے تقرر اور تبادلے ہیں۔