عمران خان کی کردار کشی کی مہم تیار کی جارہی ہے، فواد چوہدری

سابق وفاقی وزیر اطلاعات اور رہنما فواہد چوہدری نے ویڈیو پیغام میں کہا ہے کہ حکومت نے توہین مذہب کے کیسز سیاسی مخالفین کے خلاف استعمال کرنے کی کوشش کی ہے۔ آج تک پاکستان کی تاریخ میں کسی حکومت نے یہ حرکت نہیں کی۔ انہوں نے دعویٰ کیا کہ عمران خان کی کردار کشی کے حوالے سے بڑی مہم شروع ہونے والی ہے۔ جعلی ویڈیو اور آڈیوز کے ذریعے ان کے کردار پر بات ہوگی۔ 2018 میں بھی ایک خاتون کو پیسے دے کر اس حوالے سے کتاب لکھوائی گئی تھی۔ نصرت بھٹو اور بے نظیر بھٹو کی کردار کشی کی مہم 88 کی دہائی میں چلائی گئی۔ پاکستان کی حقیقی آزادی کی تحریک ان معاملات کی وجہ سے رکنے والی نہیں۔ فواد چوہدری کا مزید کہنا تھا کہ یہ عمران خان کی کردار کشی کرنے کی پوری کوشش کریں گے۔ عوام ان کے جھانسے میں نہیں آئیں گے۔