بلاول بھٹو زرداری نے اسلام اباد میں پریس کانفرنس میں کہا ہے کہ پاکستان کی قسمت کے ساتھ مت کھیلا جائے۔ عدم اعتماد کی کامیابی کے بعد عمران خان اور اُن کا جھگڑا ختم ہوجائے گا۔ عمران خان چاہتے ہیں کہ نہ کھیلوں گا اور ناہی کھیلنے دوں گا۔ یہ ملکی تاریخ میں پہلی بار ہورہا ہے کہ کسی وزیراعظم کو آئینی طریقے سے ہٹایا جارہا ہے۔ بلاول بھٹو زرداری کا کہنا تھا کہ عمران خان اتنا جھوٹ بولیں کہ لوگ ان پر یقین کریں۔ عمران خان 2018 کے انتخابات میں سلیکشن کے ذریعے قوم پر مسلط کیے گئے۔ جنہوں نے ہر ادارے کو متنازعہ بنایا۔ عمران خان کی ہر سازش اور جھوٹ کا جواب جانتے ہیں۔
اپوزیشن نے وزیراعظم کو ہٹانے کے لیے جمہوری طریقہ اختیار کیا ہے۔ امیدہے کہ وزیراعظم کوئی غیر جمہوری اقدام نہیں اٹھائیں گے۔ بہتر تو یہ ہوتا کہ وہ باعزت طور پر مستعفی ہوجاتے۔
Discussion about this post