شہنازگِل کاسدھارنتھ شکلا کے لیے گیت جاری

پیار کی وادیوں میں کھوئے رہنے والے شہناز گِل اور سدھارنتھ شکلا کی زندگی کے سفرمیں ایک ایسے موڑ پر آکر جدا ہوئے، ممکن ہے جس کا شہناز نے سوچا بھی نہیں تھا۔2ستمبر کو سدھارنتھ شکلا دل کا دورہ پڑنے سے دنیا سے چل بسے، جس کے بعد اُن کی گرل فرینڈ شہناز کی تو جیسے دنیا ہی ویران ہوگئی۔کئی ہفتوں تک وہ ہوش میں نہیں آئیں اور جب آئیں تو اُنہیں احساس ہوا کہ ان کی زندگی کی سب سے قیمتی چیز وہ کھو چکی ہیں۔ اپنے انہی جذبات اور احساسات کو انہوں نے ویڈیو گیت ’تو یہیں ہے‘ میں پیش کیا ہے۔ اس گیت میں انہوں نے سدھارنتھ شکلا کو زبردست انداز میں خراج عقیدت پیش کیا ہے۔ اُن لمحوں کو تازہ کیا ہے، جو انہوں نے اپنے محبوب کے ساتھ گزارے۔ سوشل میڈیا پر جاری ہونے والے اس گیت کی مقبولیت کا یہ عالم ہے کہ چند گھنٹوں میں اس کا دیدار کرنے والوں کی تعداد 18لاکھ سے زائد کو پہنچ چکی ہے۔

شہناز گل کی مدھر اور رسیلے آواز میں سدھارنتھ شکلا کی محبت اورپھر جدائی کا احساس ملتا ہے۔ جسے انہوں نے انتہائی خوبصورت انداز میں عکس بند بھی کرایا ہے۔ سدھارنتھ شکلا، بگ باس 13کے فاتح تھے۔ جو بہت جلد شہناز گِل سے بیاہ رچانے والے تھے لیکن انتہائی کم عمری میں وہ زندگی کی بازی ہار گئے، جس نے صرف شہناز کو ہی نہیں پوری فلم نگری کو اداس کردیا۔