تحریک انصاف کا لانگ مارچ، شاہراہیں بند، اسلحہ برآمدگی کا دعویٰ

تحریک انصاف کا اسلام آباد کی جانب لانگ مارچ روکنے کے لیے حکومت کے اقدامات جاری ہیں۔ پی ٹی آئی رہنماؤں اور کارکنوں کو حراست میں لیا جارہا ہے۔ اسی طرح کئی شہروں میں مرکزی شاہراؤں کو بھاری رکاوٹیں لگا کر بند کردیا گیا ہے۔

اُدھر عمران خان نے ویڈیو پیغام میں کہا کہ وہ اب سری نگرشاہراہ نہیں بلکہ ڈی چوک پر پہنچیں گے۔ عمران خان کے مطابق چاہے کچھ بھی حالات ہوں، وہ لانگ مارچ کے لیے عوام کے درمیان اسلام آباد میں ہوں گے۔

چئیرمین پاکستان تحریک انصاف عمران خان کا اہم پیغام- #حقیقی_آزادی_مارچ pic.twitter.com/S5vJg0CJ24

— PTI (@PTIofficial) May 24, 2022

دوسری جانب لاہور پولیس کا کہنا ہے کہ اُس نے پی ٹی آئی رہنماؤں بجاش اور زبیر نیازی کے گھروں پر چھاپہ مارا تو وہ فرار ہوگئے لیکن اُن کے گھروں سے بھاری تعداد میں اسلحہ برآمد ہوا ہے۔

Weapons recovered by punjab Lahore police from vehicles of PTI Lahore office bearers Zubair Niazi and Bajash Niazi. Case registered. This is the ugly face of the so called Long March. These are the intentions. pic.twitter.com/oGZHituEgf

— Maryam Nawaz Sharif (@MaryamNSharif) May 25, 2022

بلال صدیق کمیانہ کا کہنا ہے کہ ٹھوکر نیاز بیگ اور ملتان روڈ کی نجی ہاؤسنگ سوسائٹی سمیت مختلف مقامات پر چھاپوں میں 3 افراد گرفتار کر لئے گئے۔ ڈی آئی جی آپریشنز سہیل چوہدری کے مطابق پکڑے گئے اسلحے میں 13 ایس ایم جی رائفل، 3پستول، 106 میگزین اور سیکڑوں گولیوں کے 50 ڈبے شامل ہیں۔