بھٹ شاہ کے رہائشی جوڑے کی انوکھی محبت کی اعلی مثال قائم ہوگئی۔ بیوی نے جگر کا ٹکڑا دے کر شوہر کی جان بچالی۔ جگر کے عارضے میں مبتلا محمد خان کا جگر کا طویل اور حساس آپریشن ہوا، جدید ترین طبی سہولیات سے آراستہ گمبٹ اسپتال میں معروف ڈاکٹر عبدالرؤف نے کامیاب ٹرانسپلاٹ کیا۔ محمد خان کو جگر کا ٹکڑا دینے والا کوئی اور نہیں خود اس کی بیوی حاجانی بی بی تھی، ان کی شادی کو 12 سال ہوگئے اور اولاد بھی نہیں لیکن ان میں محبت مثالی نظر آئی، شوہر سے لازوال محبت کرنے والی حجانی بی بی آپریشن کی کامیابی پر بے انتہا خوش تھی۔
اسپتال کے بستر پر ہنستے مسکراتے ہوئے حجانی بی بی کا کہنا تھا کہ شوہر سے بے حد محبت کرتی ہوں اس کے لیے میری جان بھی قربان ہے۔ کامیاب ٹرانسپلاٹ پر مریض محمد خان کا کہنا تھا کہ ڈاکٹر صاحب میرے لیے مسیحا بن کر آئے ہیں ایسا آپریشن میں نے دنیا میں کبھی نہ دیکھا۔ گمبٹ اسپتال کے ڈاکٹرز بھی اس جوڑے کے عشق پر ناز کررہے تھے، ان کا کہنا تھا کہ محبت کی کئی کہانیاں سنی لیکن ان میں حقیقت کا رنگ اس خوش قسمت جوڑے نے بھر کر دکھایا۔
Discussion about this post