بھارتی انتہا پسندوں کا نیا شوشا، شاہ رخ خان پر لتا پر تھوکنے کا الزام

لتا منگیشکر کی آخری رسومات کے وقت شاہ رخ خان نے جہاں ہاتھ اٹھا کر دعا کی وہیں انہوں نے کچھ پڑھ کر ان کی میت پر پھونکا بھی۔ اب اسی بات کو لے کر بھارتی ہندو انتہا پسند آگ بگولہ ہیں اور الزام لگا رہے ہیں کہ شاہ رخ خان نے لتا منگیشکر پر پھونکا نہیں بلکہ تھونکا ہے۔ سوشل میڈیا پر ” شاہ رخ خان ” کے نام سے ہیش ٹیگ ٹاپ پر ہے۔ جس میں یہی الزام لگایا جارہا ہے کہ انہوں نے یہ عمل کیا۔

انتہا پسند نفرت کی سوچ میں اس قدرحواس باختہ ہوچکے ہیں کہ یہ مطالبہ بھی داغ رہے ہیں کہ شاہ رخ خان کے اس عمل پر ان کے خلاف مقدمہ درج کیا جائے۔ بیشتر انتہا پسند اسے ” تھوک جہاد” کا نام دے رہے ہیں۔ ایک صارف کا کہنا ہے کہ انتہا پسندی کا یہ عالم ہے کہ شاہ رخ خان کے لتا منگیشکر کے احترام کو بھی اب غلط رنگ دیا جارہا ہے۔

There’s no one like #ShahRukhKhan. There won’t ever be. Your hatred makes us love and respect him even more. Shame on you! https://t.co/xkCMI2Tbek

— Himanshi (@himansshhi) February 6, 2022

کچھ باشعور بھارتی ہندو یہ بتا رہے ہیں کہ دراصل پھونکنے کا عمل مسلمان حفاظت اور عقیدت کے تحت کرتے ہیں۔ اس سلسلے میں شاہ رخ خان کی فلم ” مائی نیم از خان ” کا ایک منظربھی جوڑا جارہا ہے۔

Just Posting this to Spitting on the face of hater’s..#ShahRukhKhanpic.twitter.com/sJgyflgkdL

— 😎Sourav Srkian Das😎 (@SrkianDas04) February 6, 2022