کسان کارڈ پر نواز شریف کی تصویر نہیں لگائیں گے، پنجاب حکومت

لاہور ہائی کورٹ میں کسان کارڈ پر نواز شریف کی تصویر لگانے کے خلاف دائر درخواست پر سماعت ہوئی۔اس موقع پر پنجاب حکومت نے عدالت میں اپنا تحریری جواب جمع کرایا۔ سرکاری وکیل کا کہنا تھا کہ  نواز شریف کی تصویر والا کسان کارڈ نہیں بنا رہے۔ یہ درخواست وقت سے پہلے آ گئی ہے۔ جس پر عدالت نے درخواست گزار سے کہا کہ اگر پنجاب حکومت ایسا پھر کرے تو آپ دوبارہ درخواست دائر کردیجیئے گا۔  عدالت نے درخواست شہری کی جانب سے واپس لیے جانے کی بنیاد پر خارج کر دی۔ یاد رہے کہ سابق وزیراعظم اور مسلم لیگ ن کے قائد نواز شریف کی کسان کارڈپر تصویر کو لاہور ہائی کورٹ میں چیلنج کیا گیا تھا۔