نارتھ ناظم آباد بلاک ایچ میں ماموں کے گھر رہنے والے کم عمر بچے آیان اور انابیہ رات پونے بارہ کے آس پاس گھر سے نکلے لیکن پھر لوٹ کر نہیں آئے۔ بچوں کی اس پراسرار گمشدگی پر والدہ شمائلہ ناز کا کہنا ہے کہ ہر مقام پر ڈھونڈا لیکن تلاش ناکام رہی۔ معلوم ہوا ہے کہ شمائلہ ناز کا 9 سال پہلے شوہر سے علیحدگی ہوگئی تھی۔ والدہ دبئی میں ملازمت کرتی ہیں جبکہ بچوں کو تعلیم کی غرض سے والدہ اور بھائی کے پاس چھوڑا تھا۔ ایس ایس پی سینٹرل کے مطابق بچوں کے مبینہ طور پر لاپتا ہونے کی اطلاع دی گئی ہے، بچوں کے والدین میں علحیدگی ہوچکی ہے، بچوں کی کسٹڈی کے لیے والدین میں تنازعہ چل رہا ہے، اس ضمن میں مقدمہ درج کرکے واقعہ کی مختلف پہلوؤں سے تفتیش کی جارہی ہے۔ والدہ شمائلہ ناز نے سوشل میڈیا کا سہارہ لیتے ہوئے ہر ایک سے یہی اپیل کی ہے کہ ان کے بچوں کو تلاش کرنے میں ان کی مدد کی جائے ۔
Discussion about this post