ایران نے اسرائیل اور امریکا پر 78ویں میزائل حملے کا آغاز کر دیا

ایران نے امریکا اور اسرائیل پر 78ویں لہر کے تحت میزائل حملے شروع کر دیے ہیں۔ تل ابیب سمیت متعدد امریکی فوجی اڈوں کو بھی نشانہ بنایا گیا۔پاسداران انقلاب نے کہا ہے کہ آپریشن وعدہ صادق 4 کے تحت ایلات، دیمونا اور شمالی تل ابیب سمیت مختلف اہداف پر ملٹی وارہیڈ میزائلوں اور ڈرونز کے ذریعے حملے کیے گئے۔

پاکستان مذاکرات کی میزبانی کے لیے تیار

پاکستان ایران اور امریکا کے ممکنہ مذاکرات کی میزبانی کے لیے تیار ہے۔ امریکی میڈیا نے اس حوالے سے دعویٰ کیا ہے۔

پاسداران انقلاب نے عماد اور قدر میزائل استعمال کیے

پاسداران انقلاب کے مطابق ان کارروائیوں میں عماد اور قدر میزائلوں کا استعمال کیا گیا جبکہ خطے میں موجود امریکی فوجی اڈوں کو بھی نشانہ بنایا گیا۔

ایرانی فوج کا ٹرمپ کو سخت پیغام

ایرانی فوج نے امریکی صدر ڈونلڈ ٹرمپ کو پیغام دیا ہے کہ وہ آسمان کی طرف دیکھو، نیا سرپرائز آنے والا ہے اور بہت بڑے نتائج سامنے آئیں گے۔ایرانی فوجی اہلکار نے کہا کہ صدر ٹرمپ ٹیلیفون اور سوشل میڈیا سے اپنا سر ہٹائیں اور اپنی آنکھیں آسمان، اسٹاک مارکیٹ اور تیل کی قیمتوں پر مرکوز کریں۔

ایران نے اسرائیل پر مزید میزائل داغے، درجنوں عمارتیں تباہ

ایران نے اسرائیل پر مزید میزائل حملے کیے جس کے نتیجے میں درجنوں عمارتیں شدید متاثر ہوئیں اور ملیامیٹ ہو گئیں۔

پاسداران انقلاب کا ٹرمپ پر طنز

پاسداران انقلاب کے ختم الانبیاء بریگیڈ کے ترجمان نے ڈونلڈ ٹرمپ کا جملہ طنزاً دہرایا اور کہا: “یو آر فائرڈ، تھینک یو فار اٹینشن ٹو دِس میٹر”۔

ایرانی فوج نے ایک بار پھر امریکی صدر کو سخت پیغام دیتے ہوئے کہا کہ ٹرمپ ٹیلیفون اور سوشل میڈیا سے اپنا سر ہٹائیں اور آسمان، اسٹاک مارکیٹ اور تیل کی قیمتوں پر توجہ مرکوز کریں۔