بھارت، اترا کھنڈ میں ہیلی کاپٹر گر کر تباہ، 6 افراد ہلاک

بھارتی ریاست اتراکھنڈ کے ضلع اترا کاشی میں ایک واقعہ پیش آیا، جب ایک سیاحتی ہیلی کاپٹر پرواز کے دوران حادثے کا شکار ہو گیا۔ ہیلی کاپٹر میں سوار تمام 6 افراد جاں بحق ہو گئے۔ بھارتی میڈیا کے مطابق ہیلی کاپٹر ایک معروف سیاحتی مقام کی جانب روانہ تھا کہ اچانک نامعلوم وجوہات کی بنا پر گر کر تباہ ہو گیا۔ تاحال حادثے کی وجوہات سامنے نہیں آ سکیں۔ ریاست کے وزیر اعلیٰ پشکر سنگھ دھامی  نے واقعے کی مکمل اور شفاف تحقیقات کا حکم بھی جاری کیا اور کہا کہ اس حادثے کی وجوہات جاننا نہایت ضروری ہے۔