بلوم برگ نے محمد اورنگزیب کی تعیناتی کو مثبت قرار دے دیا

امریکی جریدے بلوم برگ کی رپورٹ کے مطابق جے پی مارگن کے سابق بینکر محمد اورنگزیب کی پاکستانی وزیرِ خزانہ کے طور پر تعیناتی مثبت فیصلہ ہے۔ یہ تعیناتی آئی ایم ایف کے نئے پروگرام سے پہلے ہوئی جبھی بہترین قرار دی جارہی ہے۔  بلوم برگ نے اس جانب اشارہ کیا کہ بیشتر سرمایہ کاروں کی دلچسپی پاکستان کے نئے وزیرِ خزانہ کی تعیناتی میں تھی۔ ٹیکنوکریٹ کی بطور وزیرِ خزانہ تعیناتی پاکستان کو درپیش چیلنجز کو حل کرنے میں مدد گار ہوگی، آئی ایم ایف سے مذاکرات میں وزیرِ خزانہ کا کردار اہم ہوگا۔ بلوم برگ کی رپورٹ میں لکھا ہے کہ محمد اورنگزیب اصلاحات لانے کے لیے وہ سب کچھ کریں گے جو ضروری ہوگا، ان کا ماضی بتاتا ہے وہ ٹیکس کی بنیاد وسیع کرنے کے لیے ریئل اسٹیٹ اور ریٹیلرز پر ٹیکس عائد کرنا چاہتے ہیں۔