ٹیسٹ کھلاڑیوں کی درجہ بندی میں بابر اعظم کی تنزلی

انٹرنیشنل کرکٹ کونسل کی طرف سے جاری  ہونے والی درجہ بندی کے مطابق ٹیسٹ میں انگلینڈ کے جو روٹ کا پہلا نمبر برقرار ہے۔ انگلینڈ کے ہی  ہیری بروک کا دوسرا اور نیوزی لینڈ کے کین ولیمسن کا تیسرا نمبر ہے۔  بھارت کے یشسوی جیسوال ایک درجے ترقی پا کر چوتھے نمبر پر آ گئے جبکہ آسٹریلیا کے ٹریوس ہیڈ چوتھے سے5 ویں  نمبر پر چلے گئے۔ پاکستان کے  بلے باز سعود شکیل 3 درجے ترقی کے بعد چھٹے نمبر اور آسٹریلیا کے اسٹیو اسمتھ 3 درجے ترقی کے بعد7 ویں  نمبر پر آ گئے۔  ٹیسٹ بیٹرز کی رینکنگ میں بابر اعظم 2 درجے تنزلی کے بعد 17 ویں نمبر پر چلے گئے۔ اسی طرح  محمد رضوان کی 2 جبکہ سلمان آغا کی رینکنگ میں 5 درجے تنزلی ہوئی ہے۔ دونوں  بلے باز  21ویں اور 23ویں نمبر پر آ گئے ہیں۔  ٹیسٹ بالرز  میں بھارت کے جسپریٹ بمرا کا پہلا نمبر برقرار ہے۔ پاکستان کے نعمان علی ایک درجے تنزلی کے بعد 9 ویں نمبر پر چلے گئے۔ٹیسٹ آل راؤنڈرز میں رویندرا جڈیجا کا پہلا نمبر برقرار ہے ۔