بابراعظم کے لیے اعزاز

انٹرنیشنل کرکٹ کونسل نے آئی سی سی مینز ون ڈے اورٹیسٹ ٹیم کا اعلان کردیا ہے۔ دلچسپ بات یہ ہے کہ ون ڈے ٹیم کے کپتان کے لیے بابراعظم کو منتخب کیا گیا ہے جبکہ ان کے ساتھ دیگر کھلاڑیوں میں سکندر رضا، مہدی حسن، الزاری جوزف، محمد سراج، ٹرینٹ بولٹ، ایڈم زمپا، ٹریوس ہیڈ، شائے ہوپس، شریاس ایئر اور ٹام لیتھم شامل ہیں۔ آئی سی سی ون ڈے ٹیم میں بابراعظم کے علاوہ کوئی دوسرا پاکستانی کھلاڑی شامل نہیں۔ اسی طرح بابراعظم وہ پاکستانی کھلاڑی بھی ہیں جنہیں آئی سی سی نے ٹیسٹ ٹیم آف دی ایئر میں بھی شامل کیا ہے۔ اس ٹیم کی قیادت بین اسٹوکس کریں گے جبکہ بابراعظم کے علاوہ اس ٹیم میں عثمان خواجہ، کریگ بریتھ ویٹ، مارنوس لابوشین اور جونی بیرسٹو، ریشبھ پنت، پیٹ کمنز، کگیسو ربادا، نیتھن لائن اور جیمز اینڈرسن بھی شامل ہیں۔ یاد رہے کہ پیر کو ٹی ٹوئنٹی ٹیم آف دی ایئر کا اعلان بھی کیا گیا تھا جس میں پاکستان کے محمد رضوان اور حارث رؤف شامل تھے۔