پاکستانی کرکٹ ٹیم کے کپتان اور دنیا کے بہترین بلے باز بابراعظم کا کہنا ہے کہ فی الحال تو کرکٹ پر توجہ دے رہا ہوں، شادی کب ہوگی اور کس سے ہوگی، اس کا علم تو اُنہیں بھی نہیں۔یہ تو گھر والوں کو ہی پتا ہوگا۔ بابراعظم نے گوگل پر اُن سے متعلق سب سے زیادہ دریافت کرنے والے سوالات کا جواب ویڈیو کی صورت میں جاری کیا۔ بابراعظم کہتے ہیں کہ ابتدا سے ہی اُنہیں جنوبی افریقی بلے باز اے بی ڈی ویلیئرز ان کے پسندیدہ کھلاڑی رہے ہیں۔ جن کے اسٹائل کو وہ کاپی کرتے رہے۔ اگر یہ کہاجائے کہ وہ بابر اعظم کے آئیڈل بلے باز تھے تو غلط بھی نہ ہوگا۔
بابراعظم کے مطابق اُن کے بارے گوگل سرچ پر سب سے زیادہ یہ تلاش کیا جاتا ہے کہ وہ کہاں رہتے ہیں تو وہ لاہور میں رہتے ہیں۔ جو اپنے کھانوں اور کھلاڑیوں کی وجہ سے مشہور ہے۔بابراعظم کا کہنا تھا کہ اُن کے پاس 6سے 7بلے ہیں اور بعض دفعہ وہ خود پریشان ہوجاتے ہیں کہ کونسا بلا استعمال کریں لیکن میدان اور ملک کو دیکھتے ہوئے ہی وہ بلے کا انتخاب کرتے ہیں۔
بابراعظم کے مطابق گوگل پر یہ سوال بھی دریافت کیا جاتا ہے کہ اُن کی آمدنی کتنی ہے۔ تو وہ اس سوال کا جواب نہیں دیں گے اور ناہی کسی کو بتائیں گے کہ وہ کتنا کما لیتے ہیں۔
Discussion about this post