حریم شاہ اور متھیرا کے درمیان لفظی جنگ

ایک جانب ٹک ٹاکر حریم شاہ ہیں اور دوسری جانب متھیرا۔ دونوں بے باک تصور کی جاتی ہیں لیکن اِس وقت متھیرا اور حریم شاہ کے درمیان کون کس سے آگے ہے، بس یہی بحث چل رہی ہے۔قصہ کچھ یوں ہوا کہ ٹی وی شو میں متھیرا سے حریم شاہ کے بارے میں سوال کیا گیا تو انہوں نے تڑخ کر کہا کہ حریم شاہ نے کون سا قابل ذکر کام کیا ہے؟ کیا ٹک ٹاک بنانا کام ہوتا ہے؟ کام وہ ہوتا ہے جب آپ اداکاری کریں، فلم یا ڈرامے میں فنکاری دکھائیں۔متھیرا کا کہنا تھا کہ حریم شاہ کی کوئی ایک فلم کا نام تو بتادیں۔

متھیرا کی یہ گفتگو ویڈیو سوشل میڈیا پر اتنی وائرل ہوئی کہ ٹک ٹاکر حریم کو بھی جلال آگیا۔ جنہوں نے متھیرا کو انسٹا گرام پر ویڈیو پیغام میں کرارا جواب دیا کہ وہ متھیرا کی طرح قابل اعتراض اشتہارات میں کام کرتی ہیں اور ناہی آئٹم سونگ میں تھرکتی ہیں۔ فلم نگری میں انٹری نہ دینے کے باوجود اُن کے مداحوں کی ایک بڑی تعداد ہے۔ حریم شاہ نے متھیرا کو مخاطب کرکے کہا کہ اُن کے مصنوعی ہونٹ نہیں اور ناہی وہ متھیرا کی طرح بوٹکس کے انجکشن لگواتی ہیں۔ حریم شاہ نے متھیرا سے سوال کیا اگر وہ کچھ بھی نہیں تو اُنہوں نے حریم شاہ کو ٹی وی چینل پر انٹرویو کے لیے کیوں بلایا تھا؟