اسلام آباد ہائی کورٹ میں ایون فیلڈ ریفرنس اپیلوں کا معاملہ

مریم نواز اور کیپٹن (ر) صفدر کی اپیلوں پر 30روز میں فیصلہ کرنے کی درخواست سماعت کے لیے مقرر ہوگئی۔ نیب کی جانب سے مریم نواز اور کیپٹن (ر) صفدرکی اپیلوں پر فیصلہ 30روز میں کرنے کی درخواست دائر کی ہے۔ اسلام آباد ہائی کورٹ کے جسٹس عامر فاروق کی سربراہی میں 2رکنی بینچ منگل کو سماعت کرے گا۔ دوسری جانب نیب پراسیکیوٹر نے اسلام آباد ہائی کورٹ میں متفرق درخواست دائر کر رکھی ہے۔نیب کا موقف ہے کہ مریم نواز اور کیپٹن (ر) صفدر جان بوجھ کر اپیلوں کی سماعت میں تاخیر کررہے ہیں۔ نیب کے مطابق مریم نواز کے وکیل ایک سال سے بہانے بنا کر تاریخیں لے رہے ہیں۔