کرکٹ کینیڈا میں بڑا کرپشن اسکینڈل! آئی سی سی نے تحقیقات شروع

انٹرنیشنل کرکٹ کونسل (آئی سی سی) کے اینٹی کرپشن یونٹ نے کرکٹ کینیڈا میں مبینہ بدعنوانی کے سنگین الزامات کی مکمل تحقیقات کا آغاز کر دیا ہے۔ یہ اقدام کینیڈین کرکٹ کے لیے ایک بڑا دھچکا ہے۔تحقیقات کے دو اہم پہلوؤں پر توجہ مرکوز ہے۔ سب سے اہم، حالیہ مردوں کے ٹی ٹوئنٹی ورلڈ کپ کے دوران کینیڈا بمقابلہ نیوزی لینڈ میچ، جس میں ایک اوور کو خاص طور پر مشکوک قرار دیا جا رہا ہے۔ کپتان دلپریت باجوا کی اس اوور میں غیر معمولی بولنگ اور غیر ضروری رنز دینے پر سنگین سوالات اٹھائے گئے ہیں۔

The ICC’s anti-corruption unit is investigating allegations of corruption involving Cricket Canada, one of which focuses on a Canada game from the recent men’s T20 World Cup pic.twitter.com/XcwN4hvaM9

— ESPNcricinfo (@ESPNcricinfo) April 17, 2026

کینیڈین پروگرام ’دی ففتھ اسٹیٹ‘ کی ڈاکیومنٹری ’کرپشن، کرائم اینڈ کرکٹ‘ میں یہ انکشافات سامنے آئے ہیں۔ ڈاکیومنٹری میں ایک آڈیو ریکارڈنگ بھی پیش کی گئی ہے جس میں سابق کوچ خرم چوہان نے الزام لگایا کہ بورڈ حکام نے ٹیم سلیکشن پر براہ راست دباؤ ڈالا۔اسی نوعیت کے الزامات سابق کوچ پبڈو دسانائیکے نے بھی لگائے ہیں۔ انہوں نے دعویٰ کیا کہ مخصوص کھلاڑیوں کو ٹیم میں شامل کرنے پر مجبور کیا گیا اور انکار کرنے پر ملازمت ختم کرنے کی دھمکی دی گئی۔کرکٹ کینیڈا نہ صرف کرپشن کے الزامات بلکہ شدید انتظامی بحران، مالی مشکلات اور کھلاڑیوں کی ادائیگیوں میں مسلسل تاخیر کا بھی شکار رہا ہے۔آئی سی سی کے اینٹی کرپشن حکام نے ابھی تک اس معاملے پر کوئی تبصرہ کرنے سے انکار کر دیا ہے، تاہم ان کا واضح پیغام ہے کہ جہاں بھی کرکٹ کی سالمیت اور شفافیت کو خطرہ لاحق ہو گا، وہاں سخت ترین کارروائی کی جائے گی۔