ایرانی فوج کا ٹرمپ کا ایران کیساتھ بات چیت جاری ہونے کا دعویٰ مسترد

ایرانی فوج کے خاتم الانبیاء سینٹرل ہیڈ کوارٹرز کے ترجمان لیفٹیننٹ کرنل ابراہیم ذوالفقاری نے ایک طاقتور اور بے باک پریس کانفرنس میں امریکہ کو سیدھا پیغام دے دیا ہے کہ واشنگٹن کے اندرونی انتشار اور کمزوریاں اب اس حد تک بڑھ چکی ہیں کہ وہ خود اپنے ساتھ ہی مذاکرات کا ڈھونگ رچانے لگے ہیں۔ انہوں نے واضح الفاظ میں کہا، “امریکا سے کہتا ہوں، اپنی ناکامی کو معاہدہ کا نام مت دو۔ یہ تمہاری ہار ہے، کامیابی نہیں۔”  ترجمان نے مزید تاکید کی کہ ایران کی مرضی کے بغیر نہ تو تیل کی پرانی قیمتیں بحال ہوں گی اور نہ ہی سابقہ نظام واپس آئے گا۔ یہ سب تبھی ممکن ہے جب ایران کے خلاف کسی بھی قسم کی کارروائی کا خیال تمہارے ناپاک ذہنوں سے ہمیشہ کے لیے مٹ جائے۔ مسلم ممالک کی طرف مخاطب کرتے ہوئے لیفٹیننٹ کرنل ابراہیم ذوالفقاری نے ایک یادگار پیغام دیا: “بھائیوں، کسی دور دراز کے ملک کی ضرورت نہیں جس کی پہلی ترجیح ہمیشہ اسرائیل ہو۔ یاد رکھو، امریکا تمہارے دفاع میں ایک گولی بھی نہیں چلائے گا۔ وہ صرف اپنے مفادات دیکھتا ہے، تمہاری حفاظت نہیں۔” یہ بیان ایرانی فوج کی پختہ ارادے، خود اعتمادی اور علاقائی حقیقت کی عکاسی کرتا ہے، جو موجودہ تنازعات میں ایک نئی لہر پیدا کر رہا ہے۔ ایران کا پیغام بالکل واضح ہے: ہم اپنی سرزمین، اپنے وسائل اور اپنے وقار کی حفاظت کے لیے کسی بھی قیمت پر تیار ہیں۔