بھارتی کرکٹ ٹیم کے 15 رکنی ٹی20 ورلڈ کپ اسکواڈ کا اعلان، دھونی کی بطور مینٹور تقرری

ویرات کوہلی کی قیادت میں ٹی 20ورلڈ کپ اسکواڈ میں روہیت شرما، کے ایل راہول، سریا کمار یادیو، وکٹ کیپر راشبھ پینٹ، ہردک پانڈیا، رویندر جڈیجا، جسپیت بمرا، بھوشنر کمار، محمد شامی ، اشان کشن، رویندر اشون، ایکسر پاٹیل،ورن چکرورتی اور راہول چہار شامل ہیں۔بھارتی کرکٹ ٹیم میں حیران کن طور پر آف اسپنر رویندر اشون کو اسکواڈ کا حصہ بنایا گیا ہے۔ان کھلاڑیوں کے علاوہ 3ریزور کھلاڑی بھی شامل ہوں گے۔ جبکہ ٹی ٹوئنٹی اور عالمی کپ کے فاتح دھونی ٹیم کے ساتھ بطور مینٹور متحدہ عرب امارات جائیں گے۔ جن سے اس ذمے داری کی بھارتی بورڈ کی گزارش کی تھی، جسے انہوں نے ہنسی خوشی قبول کیا۔

The Squad is Out! 🙌

What do you make of #TeamIndia for ICC Men's T20 World Cup❓ pic.twitter.com/1ySvJsvbLw

— BCCI (@BCCI) September 8, 2021

دنیا بھر کی نگاہیں اب پاکستان اور بھارت کے درمیان 24اکتوبر کو دبئی میں ہونے والے میچ پر لگی ہیں، جس سے بھارتی کرکٹ ٹیم ٹورنامنٹ میں اپنے پہلے میچ کا آغاز کرے گی۔ پاکستان کے علاوہ بھارتی کرکٹ ٹیم کو نیوزی لینڈ اور افغان کرکٹ ٹیم سے بھی مقابلہ کرنا ہے۔ جبکہ دو کوالیفائر ز سے بھی کوہلی الیون نبرد آزما ہو گی۔ 17اکتوبر سے ٹی 20ورلڈ کپ کی شروعات ہورہی ہے۔ جبکہ اس بڑے دنگل کا فائنل 14نومبر کو دبئی میں کھیلا جائے گا۔