6 ماہ سے غیر فعال موبائل سمز بند کردی جائے گی

پاکستان ٹیلی کمیونیکیشن اتھارٹی (پی ٹی اے) نے صارفین کو خبردار کیا ہے کہ 6 ماہ سے غیر فعال موبائل سمز بند کی جا سکتی ہیں۔ پی ٹی اے کے مطابق ٹیلی کام آپریٹرز کو اختیار حاصل ہے کہ وہ وہ سمز بند کر دیں جن پر 180 دن سے کال، میسج یا انٹرنیٹ کا استعمال نہ ہوا ہو۔ بند کی گئی سمز دوبارہ کسی دوسرے صارف کو جاری کر دی جائیں گی اور اس کے بعد پرانی مالک پر کوئی قانونی دعویٰ باقی نہیں رہتا۔ صارفین اپنی سمز کی ملکیت برقرار رکھنے کے لیے آپریٹر کو تحریری درخواست یا ای میل کے ذریعے مخصوص مدت کے لیے اطلاع دے سکتے ہیں۔ پی ٹی اے نے صارفین کو ہدایت کی ہے کہ وہ ممکنہ مشکلات سے بچنے کے لیے اپنی سمز کا باقاعدگی سے استعمال جاری رکھیں۔