پشاور: ڈاکٹر وردہ قتل کیس میں اہم پیش رفت

ایبٹ آباد میں ڈاکٹر وردہ قتل کیس کے سلسلے میں ایف آئی اے نے پولیس کو بھیجا گیا جواب سامنے آ گیا ہے، جس میں کہا گیا ہے کہ کیس کے ملزمان کا ایف آئی اے میں کوئی مالی یا سائبر کرائم ریکارڈ موجود نہیں ہے۔ ایف آئی اے کے مطابق ڈاکٹر وردہ قتل کے مرکزی ملزمان کے خلاف نہ تو منی لانڈرنگ یا کسی مالی جرم کا کوئی ریکارڈ ہے اور نہ ہی ان کے خلاف کوئی زیر التوا ایف آئی آر یا انکوائری موجود ہے۔ایف آئی اے نے مزید واضح کیا ہے کہ ملزمان کے حوالے سے کوئی خفیہ یا انٹیلی جنس معلومات بھی دستیاب نہیں ہیں۔ اگر پولیس کو سفری ریکارڈ، واچ یا اسٹاپ لسٹ کی ضرورت ہو تو ایف آئی اے ہیڈ کوارٹر سے رجوع کرنا ہوگا۔ واضح رہے کہ ڈی پی او ایبٹ آباد نے اس کیس میں ایف آئی اے کو خط لکھا تھا، جس میں نامزد ملزمان عبدالوحید، ندیم اور ردا جدون کی مالی تفصیلات طلب کی گئی تھیں۔ پولیس نے ممکنہ مشکوک مالی لین دین، سفری تفصیلات اور واچ لسٹ کی حیثیت کے بارے میں معلومات مانگی تھیں۔