کراچی میں 65 سال بعد ڈبل ڈیکر بس سروس کی شروعات

کراچی میں شہریوں کے لیے بڑی خوشخبری ہے، کیونکہ 65 سال بعد دوبارہ ڈبل ڈیکر بس سروس کا آغاز کر دیا گیا ہے۔ سندھ کے سینئر وزیر و وزیر ٹرانسپورٹ شرجیل انعام میمن کے مطابق یہ بسیں یکم جنوری سے عوام کے لیے دستیاب ہوں گی، اور آج انہیں سڑکوں پر آزمایا جا رہا ہے۔ بس سروس کے افتتاح کے موقع پر شرجیل میمن نے سندھ کے وزیر بلدیات سید ناصر حسین شاہ کے ہمراہ تقریب میں شرکت کی۔

Currently, over 125,000 people travel daily through the Peoples Bus Service in Karachi. Following the integration of the Orange and Green Line BRTs, which previously served 75,000 passengers, efforts are underway to increase ridership to 100,000. The Sindh government aims to… pic.twitter.com/mV9JUkltsz

— Sindh Information Department (@sindhinfodepart) December 31, 2025

انہوں نے بتایا کہ یہ بسیں ملیر سے شارع فیصل تک چلیں گی اور مستقبل میں مزید بسیں کراچی میں لائی جائیں گی تاکہ ٹریفک کے مسائل کم کیے جا سکیں۔ شرجیل میمن نے یاد دلایا کہ سندھ حکومت نے گزشتہ سال اکتوبر میں کراچی میں ڈبل ڈیکر بسیں متعارف کرانے کا اعلان کیا تھا، اور وعدے کے مطابق یہ منصوبہ آج مکمل ہو گیا ہے۔

ڈبل ڈیکر بسیں کراچی والوں کے لیے سال نو کا تحفہ ہیں، سینئر وزیر سندھ شرجیل انعام میمن pic.twitter.com/QyUrHjRHAy

— Sindh Information Department (@sindhinfodepart) December 31, 2025

انہوں نے مزید کہا کہ سندھ حکومت 2026 میں پورے صوبے میں ٹرانسپورٹ سہولیات کو مزید بہتر بنانے کا ہدف رکھتی ہے، اور وزیراعلیٰ سندھ مراد علی شاہ نے ہدایت دی ہے کہ آئندہ ہر سڑک پر ڈبل ڈیکر بسیں چلائی جائیں۔

اہم معلومات:

• صدر کی زینب مارکیٹ سے ماڈل کالونی تک بسیں چلیں گی۔

• آئندہ ہفتے سے سندھ میں، بشمول کراچی، الیکٹرک بسوں کے لیے نئے روٹس متعارف کرائے جائیں گے۔

• یہ سہولت سبسڈی پر فراہم کی جا رہی ہے، اور حکومت خود سبسڈی ادا کرے گی۔

• پیپلز بس سروس کے تحت روزانہ تقریباً 1 لاکھ 25 ہزار مسافر سفر کرتے ہیں۔

شرجیل میمن نے سڑکوں کی خستہ حالی کے حوالے سے کہا کہ سندھ کابینہ نے صنعتی علاقوں کی سڑکوں کے لیے 9 ارب روپے سے زائد بجٹ مختص کیا ہے، اور شاہراہِ بھٹو ایکسپریس وے سمیت دیگر منصوبوں پر کام جاری ہے۔