پی ایس ایل 11: نئی ٹیموں کی نیلامی، تاریخ میں توسیع

پاکستان سپر لیگ کے 11ویں سیزن کو مزید وسعت دینے کی جانب ایک اہم پیش رفت سامنے آ گئی ہے، جہاں پاکستان کرکٹ بورڈ کے چیئرمین محسن نقوی نے دو نئی ٹیموں کی شمولیت کے لیے ہونے والی نیلامی کی تاریخ میں ایک ہفتے کی توسیع کا اعلان کر دیا ہے۔ نئی تاریخ کے مطابق یہ نیلامی اب 22 دسمبر 2025 کو منعقد ہوگی۔ چیئرمین پی سی بی محسن نقوی نے سماجی رابطے کے پلیٹ فارم ایکس پر جاری اپنے بیان میں بتایا کہ پی ایس ایل کی عالمی سطح پر بڑھتی ہوئی مقبولیت اور سرمایہ کاروں کی غیرمعمولی دلچسپی کے باعث بڈنگ کے عمل کو مزید وقت دینے کا فیصلہ کیا گیا ہے۔ ان کا کہنا تھا کہ اس توسیع کا مقصد زیادہ سے زیادہ عالمی سرمایہ کاروں کو موقع فراہم کرنا ہے تاکہ لیگ کو مزید مضبوط، مسابقتی اور بین الاقوامی معیار کے قریب لایا جا سکے۔ پی سی بی کے اس فیصلے کو پی ایس ایل کے مستقبل کے لیے ایک اہم اور مثبت قدم قرار دیا جا رہا ہے، جس سے لیگ کی وسعت اور عالمی شناخت میں مزید اضافہ متوقع ہے۔

Witnessing growing interest from the Europe, USA, the Middle East and beyond in acquiring new HBL PSL teams, we have decided to extend the bid submission deadline by one week to 22 December 2025.

Good luck to everyone excited to welcome our new franchise owners to the HBL PSL… https://t.co/Z4Is8dGT2k

— Mohsin Naqvi (@MohsinnaqviC42) December 12, 2025