پاکستان ٹیلی کمیونیکیشن اتھارٹی (پی ٹی اے) نے اعلان کیا ہے کہ طویل انتظار کے بعد جی فائیو لائسنس آئندہ سال فروری یا مارچ تک جاری کیے جانے کے قریب ہیں۔ چیئرمین پی ٹی اے کے مطابق تیاریوں کے آخری مراحل جاری ہیں اور اتھارٹی تکنیکی، ریگولیٹری اور مالی تقاضوں کا بغور جائزہ لے رہی ہے تاکہ لائسنسنگ کا عمل مکمل طور پر شفاف اور بین الاقوامی معیار کے مطابق ہو۔ فائیو جی لائسنس کا اجراء ملکی ٹیلی کام سیکٹر کی جدید کاری میں ایک اہم سنگ میل سمجھا جا رہا ہے۔
اس ٹیکنالوجی کے آغاز سے ملک میں کنیکٹیویٹی میں بہتری، انٹرنیٹ اسپیڈ میں اضافہ اور جدید ڈیجیٹل سروسز کے فروغ کی توقع ہے، جو شہریوں اور کاروباری اداروں دونوں کے لیے فائدہ مند ہوگا۔ ماہرین کا کہنا ہے کہ یہ پیشرفت ڈیجیٹل اکانومی کو مضبوط کرے گی، آئی ٹی ایکسپورٹس میں اضافہ لائے گی اور مستقبل کے ٹیکنالوجی پر مبنی منصوبوں کے لیے مضبوط بنیاد فراہم کرے گی۔ پاکستان کے لیے یہ قدم ڈیجیٹل انقلاب کی سمت میں ایک اہم پیش رفت تصور کیا جا رہا ہے۔
Discussion about this post