کراچی میں ای چالان نظام کے آغاز کے بعد 2,662 چالان

شہر میں ای چالان نظام کے نفاذ کے بعد ٹریفک پولیس نے مجموعی طور پر 2,662 الیکٹرانک چالان جاری کیے ہیں، جن میں مختلف ٹریفک خلاف ورزیوں پر کارروائی شامل ہے۔ے  کراچی ٹریفک پولیس نے سماجی رابطے کی ویب سائٹ ’ایکس‘ پر تفصیلات جاری کیں:

• اوور اسپیڈنگ: 419 چالان

• لین لائن کی خلاف ورزی: 3

• اسٹاپ لائن کی خلاف ورزی: 4

• سیٹ بیلٹ نہ باندھنے: 1,532

• ریڈ لائٹ کراس کرنا: 166

• ہیلمٹ کے بغیر موٹرسائیکل چلانا: 507

• کالے شیشے: 7

• غلط پارکنگ: 5

• نو پارکنگ زون میں گاڑی کھڑی کرنا: 5

• موبائل فون کا استعمال: 32

• رانگ وے: 3

ای چالان نظام کے آغاز کے روز تکنیکی بہتری کے اقدامات کیے گئے، جس کے بعد یہ نظام مکمل طور پر فعال ہو گیا ہے۔ ڈی آئی جی ٹریفک پیر محمد شاہ نے کہا:
"یہ نظام شہریوں میں ٹریفک قوانین کی پاسداری اور مؤثر نگرانی کے لیے ایک اہم سنگ میل ہے۔ عوامی تعاون سے یہ نظام مزید بہتر بنایا جا رہا ہے، شہریوں سے اپیل ہے کہ ٹریفک قوانین کی مکمل پاسداری کریں تاکہ حادثات میں کمی لائی جا سکے۔”

گذشتہ روز، وزیر اعلیٰ سندھ مراد علی شاہ نے کراچی میں ای چالان کے نظام کا افتتاح کرتے ہوئے کہا تھا کہ ٹریفک قوانین کی خلاف ورزی اب جدید کیمروں کے ذریعے خودکار طور پر ریکارڈ کی جائیں گی۔ وزیر اعلیٰ سندھ نے تقریب سے خطاب میں مزید کہا:
"رکشہ، گاڑی، موٹرسائیکل سمیت ہر کوئی قانون کی خلاف ورزی کر رہا ہے۔ سندھ میں ڈیجیٹل شفافیت اور جدیدیت کی جانب یہ ٹریک اہم قدم ہے۔ جدید ای-ٹکٹنگ سسٹم سے انسانی مداخلت اور جانبداری کا خاتمہ ہوگا، شہریوں کی بہتر خدمت اور تحفظ کو یقینی بنایا جا رہا ہے۔”

انہوں نے منصوبے کے تحت کیمروں کی تعداد 12 ہزار تک بڑھانے اور عوامی رہنمائی کے لیے ٹریک مراکز قائم کرنے کا اعلان بھی کیا۔