مراکش پہلی بار انڈر 20 ورلڈ چیمپئن بن گیا

فیفا کے زیرِ اہتمام چلی میں کھیلے جانے والے 24 ویں انڈر 20 ورلڈکپ کے فائنل میں مراکش نے بڑے نام اور مضبوط شہرت رکھنے والی ارجنٹائن کو 0-2 سے شکست دے کر پہلی مرتبہ عالمی ٹائٹل اپنے نام کر لیا۔ سانتیاگو کے جولیو مارٹینیز پرادانوس نیشنل اسٹیڈیم میں ہونے والے فائنل میں محمد یاسر زبیری نے میدان مار لیا . انہوں نے میچ کے 12 ویں اور 29 ویں منٹ میں دو دلکش گول اسکور کر کے مراکش کی فتح یقینی بنا دی۔ غیر معمولی کارکردگی پر انہیں مین آف دی فائنل قرار دیا گیا۔اس تاریخی کامیابی کے ساتھ مراکش 2009 کے بعد انڈر 20 ورلڈ کپ جیتنے والا پہلا افریقی ملک بن گیا ,  اس سے قبل یہ اعزاز صرف گھانا کے پاس تھا۔

What a beauty from Zabiri! 😍🇲🇦#U20WC pic.twitter.com/sfS1dEp8Bg

— FIFA World Cup (@FIFAWorldCup) October 20, 2025

مراکش نے ٹائٹل کی راہ میں ناک آؤٹ مرحلے میں جنوبی کوریا، امریکا اور فرانس جیسی مضبوط ٹیموں کو زیر کیا۔ دوسری جانب ارجنٹائن ،  جو پورے ٹورنامنٹ میں ناقابلِ شکست رہی ،  فائنل میں اپنے دو اسٹار پلیئرزکلاڈیو ایچیواری (بائر لیورکوزن) اور فرانکو ماستانتوانو (ریئل میڈرڈ) کی عدم موجودگی کے باعث دفاعی اور جارحانہ دونوں محاذوں پر کمزور نظر آئی۔ یہ فتح نہ صرف مراکش کی فٹبال تاریخ کا سنہرا باب ہے بلکہ براعظم افریقہ کے لیے بھی نئی امید کا اعلان ہے۔