جدہ میں سعودی عرب کی قومی فٹبال ٹیم نے شاندار کارکردگی دکھاتے ہوئے فیفا ورلڈ کپ 2026 کے لیے اپنی جگہ پکی کرلی۔ یہ سعودی ٹیم کا ساتواں اور مسلسل دوسرا ورلڈ کپ سفر ہوگا۔فیصلہ کن میچ جدہ کے کنگ اسپورٹس سٹی کے الانما اسٹیڈیم میں اردنی ریفری ادہم مخادمہ کی نگرانی میں کھیلا گیا، جو بغیر کسی گول کے برابر رہا۔
تاہم، سعودی ٹیم کو برتری کے اصول کی بنیاد پر اگلے مرحلے کا اعزاز حاصل ہوا۔پہلے ہاف میں صالح ابو الشامات اور فراس البريکان نے 20ویں اور 25ویں منٹ میں شاندار کوششیں کیں لیکن گیند جال میں نہ جا سکی۔دوسرے ہاف میں البريکان، مصعب الجوير اور سالم الدوسري نے مسلسل دباؤ برقرار رکھا، مگر قسمت نے یاوری نہ کی۔میچ کے آخری لمحات میں حسان تمبكتي نے ایک یقینی عراقی گول روک کر ٹیم کو سہارا دیا، جب کہ گول کیپر نواف العقيدی نے شاندار دفاع کرتے ہوئے سعودی عرب کی کامیابی کو یقینی بنایا۔
اس نتیجے کے ساتھ سعودی عرب نے ایک بار پھر حوصلے، نظم و ضبط اور ٹیم ورک سے دنیا کو متاثر کیا اور امریکا، کینیڈا اور میکسیکو میں 11 جون سے 19 جولائی 2026 تک ہونے والے عالمی مقابلوں کے لیے اپنی جگہ مستحکم کرلی۔
Discussion about this post