سعودی عرب میں کفیل کی ضرورت ختم

سعودی حکومت نے پریمیم رہائش (Premium Residency) اسکیم کے لیے اکتوبر 2025 کا تازہ اپڈیٹ جاری کر دیا ہے، جس میں فیس، فوائد اور درخواست دینے کے طریقہ کار کی نئی تفصیلات شامل ہیں۔

یہ پروگرام غیر ملکی شہریوں کو سعودی عرب میں بغیر کفیل کے رہائش، کاروبار اور روزگار کی آزادی فراہم کرتا ہے۔ حکومت کے مطابق، اس اقدام کا مقصد مملکت کی معیشت میں تنوع لانا اور عالمی سرمایہ کاروں کو راغب کرنا ہے۔پریمیم رہائش کی دو اقسام متعارف کرائی گئی ہیں 
پہلی پائیدار رہائش (Permanent Residency) جس کے لیے ایک مرتبہ 800,000 سعودی ریال (تقریباً 213,000 امریکی ڈالر) فیس مقرر کی گئی ہے، جو تاحیات رہائش فراہم کرے گی۔
دوسری قابلِ تجدید رہائش (Renewable Residency) ہے، جس کی سالانہ فیس 100,000 سعودی ریال (تقریباً 26,700 امریکی ڈالر) رکھی گئی ہے۔

اس اسکیم کے تحت رہائش حاصل کرنے والوں کو کئی سہولتیں دی جائیں گی، جن میں شامل ہیں:

• سعودی عرب میں کفیل کی ضرورت ختم۔

• جائیداد کی خریداری کی اجازت (مکہ، مدینہ اور سرحدی علاقوں کے علاوہ)۔

• کاروبار یا ملازمت کرنے کی آزادی۔

• اہلیہ اور بچوں کی کفالت کی سہولت۔

• ملک میں آزادانہ آمد و رفت کے لیے ویزے سے استثنا۔

• بینکنگ، طبی اور تعلیمی خدمات تک رسائی۔

• بیرونِ ملک رقم منتقل کرنے کی اجازت۔

تاہم، پریمیم رہائش حاصل کرنے والے افراد کو سعودی شہریت یا ووٹ دینے کا حق حاصل نہیں ہوگا۔

درخواست دینے کے لیے امیدوار کی عمر کم از کم 21 سال ہونی چاہیے، اس کے پاس درست پاسپورٹ، صاف ریکارڈ، مستحکم آمدنی اور طبی طور پر فٹنس کے شواہد ہونے ضروری ہیں۔

دلچسپی رکھنے والے افراد سرکاری ویب سائٹ www.pr.gov.sa کے ذریعے آن لائن درخواست جمع کرا سکتے ہیں۔ ضروری دستاویزات اپلوڈ کرنے اور فیس ادا کرنے کے بعد 1 سے 3 ماہ کے اندر فیصلہ موصول ہو جاتا ہے۔سعودی حکومت کے مطابق، یہ پروگرام مملکت کے وژن 2030 کا حصہ ہے جس کے تحت سرمایہ کاری کے مواقع میں اضافہ، غیر ملکی ماہرین کی شمولیت، اور پائیدار معاشی ترقی کو فروغ دیا جا رہا ہے۔