حکومتِ سندھ نے خواتین اور طالبات کو مفت الیکٹرک اسکوٹیز فراہم کرنے کا حتمی فیصلہ کرلیا ہے، جو صوبے میں ایک انقلابی قدم قرار دیا جا رہا ہے۔ صوبائی وزیر ٹرانسپورٹ شرجیل انعام میمن کی زیر صدارت پنک اسکوٹیز پروگرام پر ایک اہم اجلاس منعقد ہوا، جس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی ایم ڈی کنول بھٹو اور دیگر اعلیٰ افسران نے بھی شرکت کی۔شرجیل میمن نے کہا:
"یہ سہولت خواتین کے لیے ایک انقلابی اقدام ہے۔ یہ اسکیم خاص طور پر ان خواتین کے لیے متعارف کرائی جا رہی ہے جو روزمرہ آمد و رفت کے لیے پبلک ٹرانسپورٹ پر انحصار کرتی ہیں۔ الیکٹرک اسکوٹیز نہ صرف خواتین کو روزانہ کی سفری سہولت فراہم کریں گی بلکہ ان کے وقت اور پیسے کی بھی بچت ہوگی۔”
درخواست گزاروں کا ڈیٹا سندھ ماس ٹرانزٹ اتھارٹی مرتب کرے گی، جبکہ اسکوٹیز کی الاٹمنٹ مکمل شفاف طریقہ کار اور میرٹ کی بنیاد پر ہوگی۔ صوبائی وزیر نے تمام طالبات اور ملازمت پیشہ خواتین سے اپیل کی ہے کہ وہ اس سہولت سے بھرپور فائدہ اٹھائیں اور روزمرہ زندگی کو آسان بنائیں۔
Discussion about this post