پاکستان کے فضائی شعبے کے لیے ایک خوش آئند پیشرفت سامنے آئی ہے۔ پاکستان سول ایوی ایشن اتھارٹی نے برطانوی ایئرلائن ورجن اٹلانٹک کو دوبارہ فضائی آپریشن کی اجازت دے دی ہے۔ایئرلائن اکتوبر سے لندن کے ذریعے کراچی، اسلام آباد اور لاہور کے لیے اپنی پروازیں بحال کرے گی، جبکہ یہ پروازیں سعودی عرب کے شہر ریاض کے راستے پاکستان کو عالمی فضائی نیٹ ورک سے جوڑیں گی۔ واضح رہے کہ ورجن اٹلانٹک نے 2023 میں پاکستان کے لیے اپنی پروازیں بند کر دی تھیں، تاہم فضائی آپریشن کی بحالی کو پاکستان کے ایوی ایشن سیکٹر کے لیے مثبت پیشرفت قرار دیا جا رہا ہے، جس سے نہ صرف برطانیہ اور پاکستان کے درمیان سفری سہولت بڑھے گی بلکہ تجارت اور سیاحت کے فروغ میں بھی مدد ملے گی۔
Discussion about this post