یومِ دفاع پر آئی ایس پی آر کا نیا ملی نغمہ اور خصوصی ڈاکومنٹری

پاکستان کے یومِ دفاع کے موقع پر پاک فوج کے شعبہ تعلقاتِ عامہ (آئی ایس پی آر) نے نیا ملی نغمہ  اور 6 ستمبر 1965 کی جنگ پر ایک نئی ڈاکومنٹری جاری کردی ہے۔ معروف گلوکار ساحر علی بگا کی آواز میں ریکارڈ ہونے والا یہ نغمہ وطن کی محبت، پاک افواج کی عظمت اور قربانی کی لازوال داستان کا عکاس ہے۔ اس میں تینوں مسلح افواج, پاک فوج، پاک فضائیہ اور پاک بحریہکے جذبۂ وفا، پیشہ ورانہ مہارت اور جرات مندانہ کردار کو خراجِ تحسین پیش کیا گیا ہے۔ اس نغمے میں سرحدوں کے محافظ جوانوں کی بہادری کو اجاگر کیا گیا ہے۔ ۔اس ملی نغمے میں

• پاک فضائیہ کی بلندیوں کو چھوتی مہارت اور شجاعت کی عکاسی کی گئی ہے۔

• پاک بحریہ کے سمندری سرحدوں پر کارنامے نمایاں کیے گئے ہیں۔

• پاک فوج کے جانبازوں کی جرات، قربانی اور بے مثال وفا کو امر کر دیا گیا ہے۔

یہ نغمہ دراصل قربانی، اتحاد اور تجدیدِ عہد وفا کا آئینہ دار ہے، جو پوری قوم کے دلوں کو وطن پرستی کے جذبے سے منور کرتا ہے۔

6 ستمبر کی داستان،  نئی ڈاکیومنٹری میں غازیوں کی زبانی

آئی ایس پی آر کی جانب سے جاری کردہ نئی ڈاکومنٹری میں 1965 کی جنگ کے غازیوں کی یادیں اور ان کی زبانی بیان کردہ داستانیں شامل ہیں۔ اس میں دفاعِ وطن کے جذبے، قربانیوں اور ریاست سے افواج کے گہرے تعلق کو نہایت خوبصورتی سے پیش کیا گیا ہے۔یہ ڈاکومنٹری نئی نسل کو اس عہد کی یاد دلاتی ہے جب پوری قوم ایک جھنڈے تلے متحد ہو کر دشمن کے عزائم کو ناکام بنا دیتی ہے۔