فیلڈ مارشل کی سکھ کمیونٹی کو اُنکی تمام عبادت گاہوں کی جلد مکمل بحالی کی یقین دہانی

فیلڈ مارشل سید عاصم منیر نے پنجاب کے سیلاب متاثرہ علاقوں سیالکوٹ، شکر گڑھ، نارووال اور کرتار پور کا دورہ کیا۔ اس دوران انہوں نے متاثرہ عوام کے مسائل سنے اور امدادی کارروائیوں کا جائزہ لیا۔کرتار پور میں سکھ کمیونٹی سے خطاب کرتے ہوئے فیلڈ مارشل عاصم منیر نے یقین دہانی کرائی کہ سیلاب سے متاثرہ تمام عبادت گاہوں کی بحالی ترجیحی بنیادوں پر مکمل کی جائے گی۔

سکھ کمیونٹی کا ردِعمل

سکھ رہنماؤں اور کمیونٹی نے کرتار پور دربار صاحب میں بروقت اور موثر امدادی کارروائیوں پر فیلڈ مارشل کو زبردست خراج تحسین پیش کیا۔

سکھ رہنما رمیش سنگھ اروڑہ نے کہا:

• فیلڈ مارشل نے کہا کہ جہاں ضرورت ہو گی پاک فوج کے ہیلی کاپٹر موجود ہوں گے، یہ ان کا بڑا احسان ہے۔

• سیلاب کے دوران پاک فوج کے جوان آخری متاثرہ فرد کی منتقلی تک کھڑے رہے۔

• پاکستان اور سکھوں کا رشتہ گوشت اور ناخن کی مانند ہے، یہ رشتہ ہمیشہ قائم و دائم رہے گا۔

انہوں نے مزید کہا کہ:

• "فیلڈ مارشل عاصم منیر کے کمیونٹی کے ساتھ بیٹھنے سے دنیا بھر کے سکھوں کا سر فخر سے بلند ہو گیا ہے۔”

• دنیا بھر کے سکھ جب جانیں گے کہ فیلڈ مارشل نے ذاتی طور پر کرتار پور کا دورہ کیا تو اُن کا مان مزید بڑھے گا۔

پاکستان کی ساکھ اور سکھ یاتری

رمیش سنگھ اروڑہ نے کہا کہ دنیا بھر کے سکھ پاکستان کو اقلیتوں کے لیے محفوظ ترین ملک قرار دیتے ہیں۔ سکھ یاتری جب پاکستان سے واپس جاتے ہیں تو ان کی آنکھوں میں آنسو ہوتے ہیں اور وہ کہتے ہیں کہ پاکستان میں جو پیار ملا، دل نہیں چاہتا کہ یہاں سے واپس جائیں۔

سکھ رہنماؤں کا پیغام

دیگر سکھ رہنماؤں نے کہا کہ:

• فیلڈ مارشل عاصم منیر نے جو عزت سکھ کمیونٹی کو دی ہے، اس پر دنیا بھر کے سکھ ان کے مشکور ہیں۔

• کرتار پور صاحب کی بحالی اور سیلاب متاثرین کے لیے کیے گئے فوری اقدامات پر سکھ برادری ہمیشہ شکر گزار رہے گی۔

• "پاکستان ہمارے لیے جنت ہے اور پاک فوج ہر مشکل گھڑی میں عوام کے ساتھ کھڑی ہوتی ہے۔”