عالمی ریٹنگ ایجنسی موڈیز نے پاکستان کی کریڈٹ ریٹنگ ایک درجہ بہتر کرتے ہوئے ‘Caa1’ سے بڑھا کر ‘Caa2’ کر دی ہے اور آؤٹ لک کو ‘مستحکم’ قرار دیا ہے۔
موڈیز کے مطابق یہ بہتری پاکستان کی بیرونی مالی صورتحال میں استحکام، زرمبادلہ کے ذخائر میں متوقع اضافے اور آئی ایم ایف کے ایکسٹینڈڈ فنڈ فسیلٹی پروگرام کے تحت اصلاحات کی کامیاب تکمیل کا نتیجہ ہے۔ رپورٹ میں کہا گیا کہ حکومتی مالی پوزیشن مضبوط ہو رہی ہے، تاہم قرضوں کی بروقت ادائیگی کی صلاحیت اب بھی کمزور ہے۔ موڈیز نے خبردار کیا کہ سیاسی غیر یقینی صورتحال اور کمزور حکومتی کارکردگی کریڈٹ پروفائل پر منفی اثر ڈال سکتی ہے، مگر موجودہ مستحکم آؤٹ لک اس بات کی نشاندہی کرتا ہے کہ مالی صورتحال میں توازن قائم ہے۔ اگر اصلاحات کا عمل تیز کیا گیا تو کریڈٹ پروفائل میں مزید بہتری ممکن ہے۔ یہ پیشرفت پاکستان کے مالی استحکام اور بین الاقوامی مالیاتی اداروں کے ساتھ تعلقات میں بہتری کی علامت قرار دی جا رہی ہے۔
Discussion about this post