’’دل سے پاکستان‘‘ — یومِ آزادی پر آئی ایس پی آر کا جوش و جذبے سے بھرپور نغمہ

یومِ آزادی 2025 کے موقع پر پاک فوج کے شعبہ تعلقاتِ عامہ (آئی ایس پی آر) کی جانب سے نیا ملی نغمہ ’’دل سے پاکستان‘‘ جاری کر دیا گیا ہے، جو حب الوطنی، قربانی اور قومی اتحاد کا عکاس ہے۔یہ نغمہ ’’معرکۂ حق‘‘ میں عظیم فتح کی یادگار کے طور پر تخلیق کیا گیا ہے، جس میں مادرِ وطن کے لیے جانوں کا نذرانہ پیش کرنے والے شہداء کو بھرپور خراجِ عقیدت پیش کیا گیا ہے۔ نغمے میں بھارت کے خلاف ’’معرکۂ حق‘‘ میں کامیابی کا جشن پرجوش انداز میں منایا گیا ہے، اور وطنِ عزیز کی بقا، خودمختاری اور سلامتی کے لیے ہر ممکن قربانی دینے کے عزم کا اظہار کیا گیا ہے۔ آئی ایس پی آر کے مطابق یہ نغمہ نہ صرف قومی یکجہتی اور ترقی کے عہد کی تجدید ہے، بلکہ مسلح افواج کے اس کردار کو بھی سلام پیش کرتا ہے جو انہوں نے ہر محاذ پر ملک کے تحفظ کے لیے ادا کیا۔ نغمے کے بول اور دھن عوامی جذبات کو جھنجھوڑتے ہیں، جبکہ اس کی ویڈیو میں شہداء، سپاہیوں، اور عام پاکستانیوں کی جدوجہد کو موثر انداز میں دکھایا گیا ہے۔