سلامتی کونسل میں عالمی امن کیلیے پاکستان کی قرارداد متفقہ طور پر منظور

پاکستان نے سلامتی کونسل میں قرارداد 2788 (2025) کی منظوری کے ذریعے عالمی امن و سلامتی میں ایک بڑی کامیابی حاصل کی ہے۔ اس اہم قدم نے دیکھایا کہ پاکستان عالمی سطح پر امن و سلامتی کے فروغ میں مؤثر کردار ادا کر رہا ہے۔ نائب وزیر اعظم اسحاق ڈار کی رہنمائی میں پیش کی گئی یہ قرارداد ’ تنازعات کے پرامن حل کے لیے طریقہ کار کو مضبوط بنانا ‘ عالمی فورم پر پیش کی گئی۔ اس قرارداد نے سفارتی کوششوں، ثالثی، اعتماد سازی، اور عالمی و علاقائی مکالمے کو تنازعات کے دائمی حل کے لیے بنیادی ذریعہ قرار دیا۔ سلامتی کونسل نے رکن ممالک کو یقین دہانی دی کہ وہ تنازعات کے حل کے لیے پرامن ذرائع کو ترجیح دیں، اور متعلقہ قراردادوں کے مؤثر عملدرآمد کے لیے لازمی اقدامات اٹھائیں۔ اس قرارداد میں علاقائی اور ذیلی علاقائی تنظیموں سے بھی اپیل کی گئی ہے کہ وہ پرامن حل کے لیے اپنی کوششوں میں تیزی لائیں، اور اقوام متحدہ سے تعاون کو مزید مستحکم کریں۔ اس قرارداد کی منظوری نے پاکستان کی عالمی سطح پر سفارتی کامیابی کو نمایاں کیا ہے اور اسے عالمی قیامِ امن کی سمت میں ایک بڑی پیش رفت قرار دیا ہے۔