ایانا نوئل آرتھر نے بین الاقوامی کراٹے چیمپئن شپ میں گولڈ میڈل جیت لیا

سری لنکا میں ہونے والی ساؤتھ ایشین کراٹے چیمپئن شپ میں پاکستان کی 12 سالہ ایانا نوئل آرتھر نے شاندار کارکردگی کا مظاہرہ کرتے ہوئے سونے کا تمغہ اپنے نام کر لیا۔ عیانہ نے 40 کلوگرام کے وزن میں زیرِ 12 سال کیٹیگری میں حصہ لیا تھا۔ ایانا نے بھارت، بنگلہ دیش، نیپال، بھوٹان اور سری لنکا کے کھلاڑیوں کے خلاف کامیابی حاصل کی۔ ان کی مہارت، نظم و ضبط اور حوصلے کو بین الاقوامی سطح پر سراہا جا رہا ہے۔

یہ کامیابی اس وقت سامنے آئی جب پاکستانی کھلاڑیوں نے دیگر کیٹیگریز میں بھی نمایاں پوزیشنز حاصل کیں۔ حزیفہ ارشد نے زیر 10 سال، 50 کلوگرام کیٹیگری میں گولڈ میڈل جیتا۔ اریشہ ندیم نے زیر 21 سال کیٹیگری میں ایک سلور اور دو برانز میڈلز حاصل کیے۔ سائرش تصدیق اور سمراح اعجاز نے ٹیم کاٹا اور انفرادی مقابلوں میں برانز میڈلز جیتے۔ جبکہ حسنین جمیل نے 75 کلوگرام میں تین برانز میڈلز اپنے نام کیے۔ ٹورنامنٹ کے اختتام پر بھارت سب سے زیادہ 59 میڈلز کے ساتھ پہلے نمبر پر رہا، جبکہ پاکستان مجموعی طور پر پانچویں نمبر پر آیا۔

ایانا نوئل آرتھر کا تعلق پاکستانی کرسچن کمیونٹی سے ہے، اور ان کی یہ جیت نہ صرف کھیل کے میدان میں ایک کامیابی ہے، بلکہ اقلیتوں کی نمائندگی اور اعتماد کی ایک روشن مثال بھی ہے۔ سری لنکا میں ہونے والی ساؤتھ ایشین کراٹے چیمپیئن شپ میں شاندار کامیابی پر سندھ حکومت کا 6 لاکھ روپے انعام کا اعلان کیا۔