ایران اور اسرائیل کے درمیان بڑھتی ہوئی کشیدگی نے ایک نیا خطرناک موڑ لے لیا ہے۔ ایران کی طاقتور عسکری تنظیم پاسدارانِ انقلاب نے اپنے تازہ ترین بیان میں واضح اور سخت پیغام دیا ہے کہ:
"خیبر میزائل جلد اسرائیل پر داغا جائے گا، اور اس کے اثرات دنیا کو حیرت میں ڈال دیں گے۔”
یہ بیان ایسے وقت پر سامنے آیا ہے جب ایران نے "آپریشن وعدہ صادق سوم” کے تحت اسرائیل کی فوجی تنصیبات، اسلحہ ساز فیکٹریوں اور فوجی اڈوں کو نشانہ بنانے کا دعویٰ کیا ہے۔پاسدارانِ انقلاب نے کہا ہے کہ:
"ایران کی سلامتی ایک سرخ لکیر ہے، اور اسے عبور کرنے والے پچھتائیں گے۔”
بیان میں مزید کہا گیا ہے کہ ایرانی میزائلوں نے اپنے اہداف کو کامیابی سے نشانہ بنایا ہے، اور یہ حملے اسرائیل کی جانب سے فلسطینی اور ایرانی عوام پر ڈھائے گئے مظالم کا ردِعمل ہیں۔ایرانی فوج نے پہلی مرتبہ اپنے جدید ہتھیار "خیبر” میزائل کا ذکر کرتے ہوئے کہا ہے کہ:
"یہ ایک طاقتور اور حیرت انگیز صلاحیتوں کا حامل میزائل ہے، جس کا استعمال اسرائیل کے لیے ایک حیران کن مرحلہ ثابت ہوگا۔”
اس بیان نے خطے میں پہلے سے موجود کشیدگی کو مزید سنگین کر دیا ہے، جب کہ عالمی برادری اس تنازعے کو روکنے کے لیے سفارتی کوششوں میں مصروف ہے۔
Discussion about this post