شکاگو کے نواحی علاقے اسکوکی میں "فیسٹیول آف کلچرز”

پاکستان کے قونصل جنرل طارق کریم نے اسکوکی، الینوائے میں منعقدہ سالانہ فیسٹیول آف کلچرز میں شرکت کی، جہاں انہوں نے اسکوکی کی میئر این ٹینس اور مقامی کمیونٹی کے ارکان سے ملاقات کی۔ یہ ثقافتی میلہ مختلف ممالک کی ثقافتوں کو اجاگر کرنے کے لیے منعقد کیا جاتا ہے اور سفارتی تعلقات کو فروغ دینے کے لیے ایک مؤثر پلیٹ فارم فراہم کرتا ہے۔ اس موقع پر قونصل جنرل نے پاکستان اور بھارت کے درمیان موجودہ صورتحال سمیت دیگر علاقائی امور پر بھی گفتگو کی اور پاکستان کا نقطہ نظر پیش کیا۔

طارق کریم نے امریکہ میں مقیم پاکستانی کمیونٹی کے مثبت کردار کو سراہتے ہوئے کہا کہ ثقافتی سفارت کاری عوامی روابط کو مضبوط بنانے میں اہم کردار ادا کرتی ہے۔ انہوں نے منتظمین کا شکریہ ادا کیا کہ انہوں نے ایک ایسا ماحول فراہم کیا جو تنوع، باہمی احترام اور بین الثقافتی ہم آہنگی کو فروغ دیتا ہے۔